遮瑕大平反~

前2日係YOUTUBE到睇到條片
話一隻遮瑕「廢到無倫」
但係我就經常用佢話「廢到無倫」既遮瑕
而我就好滿意呢件product~

呢個遮瑕就係Etude House既 完美調色遮瑕拼盤#02






















呢個遮瑕拼盤其實有2個色號俾你揀既
而呢個#02色就係專for黑眼圈用既~
一邊係粉橙色(1), 一邊係偏白既膚色(2)

可以睇番佢官網介紹
佢遮黑眼圈既原理係用一隻粉橙既顏色去校正眼圈既黑沉
以達至遮瑕既效果

而唔係好似我上次介紹個隻NYX個類既遮瑕
NYX個類既遮瑕係用一隻接近自己膚色既顏色
去完全蓋過你既瑕疵去做遮瑕既效果~
( 就好似塗改液咁~! )

雖然唔可以100%遮到晒成個黑眼圈
但單用佢就可以令到個眼圈減淡好多~
岩晒番學用~!!
搽薄薄一層,成個人睇落就即刻精神晒~



*[遮瑕度測試]
我用一個黑色既眼影搽係手到
用黎模仿黑眼圈

左邊::: 就淨係搽眼影,用黎做對比
右邊::: 上左一層眼影之後,
會再用Etude House呢隻遮瑕既粉橙色,
上係眼影上面做遮瑕~

雖然仲會見到少少黑色
但只係上左薄薄一層就有咁既效果
我就好滿意喇~
大家見到我上面張實物圖
見我用到凹晒就知我真係經常用~ :P

加上呢盒concealer kit只係$50幾蚊
係相當物有所值~ :D


P.S. 其實我唔記得係邊位YOUTUBER講
係YOUTUBE首頁有D推介片,我是但禁入去睇
本身冇睇開佢,宜家都唔記得左係邊個LU~ :P

NYX遮瑕膏~

我係一個擁有超級黑眼圈既人
對我黎講
遮瑕膏真係一樣不可缺少既化妝品

就算用緊既遮瑕膏未用完
見到人地推介呀~新出呀~抵買呀~
都會心郁郁想買番黎試下 :P

係YOUTUBE到睇左唔少外國既YOUTUBER都有推介
又見價格唔貴
所以上個星期就買左NYX既遮瑕膏喇~

















之前一直都冇用過呢個牌子既產品
亦唔太熟悉呢個牌子
真係抱住平平地,唔岩就算既心態買黎試

話咁快~用左呢隻遮瑕膏一個星期喇~
以US$5既價錢,真係物超超所值~ (LIKE)

雖然係揾代購買既~未至於平到以HKD$39買佢番黎
但都係超超值~!

第一
好好彩~我買到岩用既顏色  xP
我知香港都有唔少地方有NYX既野買
亦都有tester
不過我就真係一時興起就上網買左
顏色都係睇圖揀~
所以揀到岩色都真係幾開心~ :P
(我用既顏色係Beige CJ04) 

如果睇官網既顏色圖既話會覺得好深色
但係睇其他人試晒D顏色上手既圖
就唔覺太深色 :P
(有興趣可以google" nyx concealer jar" 既圖 :D)

第二
佢既質地係比較creamy同水潤
就算好似我咁用係眼上面都唔會有乾紋~
用係面上效果亦都相當好~

第三
遮瑕膏暇重要既當然係佢既遮瑕度啦~
而佢既遮瑕度好好~
如果單用佢,唔上foundation
薄薄咁上2層就已經遮左7,8成
上埋碎粉個遮瑕度就更加好~
以咁平價錢
做到咁既遮瑕效果真係相當唔錯~!


今次NYX既遮瑕真係俾左好大既驚喜我~
好想叫我既美國friend 買埋紫色綠色橙色番黎玩下><
有興趣既SIS都可以買黎試下~
絕對值得一試~ :D

*韓國必買* 平價茶樹油

一講起茶樹油
我估大家都會諗起Body Shop或者Thursday Plantation
但前排就俾我揾到另一個又平又有保證而且有效既茶樹油牌子
就係黎至韓國既A'PIEU (唔知點發音 xP )

首先講下個牌子先啦~
A'PIEU係MISSHA 旗下另一既品牌
強調純淨自然的形象
(由於佢個網頁係冇英文既,所以我都係睇人地講嫁炸~ :P)
話晒都係大公司既牌子
相信質素會有一定既保證

唔知點解啦~
我對韓國出品既產品有種莫名既信心
唔理D產品好唔好用,岩唔岩我先
最少我都會好安心去試用
硬係覺得好天然好安全咁 :P
( 當然的確有唔少品牌都係以天然去做賣點啦~ )

而我亦都用左A'PIEU既茶樹油大概一個月左右啦~
我就覺得同Body Shop既茶樹油冇咩分別
訓之前搽係粒瘡,訓醒個陣都會謝左嫁喇~
但價錢就比Body Shop同Thursday Plantation平
我係Y拍到買既,$40幾蚊就有14ml
當然你親自去韓國買就一定會再平D啦~ (4800WON一支~)
如果HKD1 : 145WON,支野先$33左右炸!!! ><

有興趣既記得去買支試下喇~ ;D

Hello~~ :)

 










Hi~
大家好我叫cat~  :)

以前打xanga就打得多喇~
通常都係打d生活上野事,似日記多啲~

但我就收埋收埋有好多野想同人分享既
可惜唔夠薑拍片放youtube :P
所以就開呢個叫"Meow for cat"既blog同大家分享下啦~
希望大家多多支持~ :P

身為女仔~
扮靚既topic 一定唔少得啦~
第一個post就想同大家分享下用開既眼線筆喇~ ;)

我係一個油眼怪黎既~
一直都不斷咁試唔同既眼線筆
大家都知道一條小小既眼線

就可以大大改善你既眼型同將隻眼放大~
所以一支好既眼線筆係非常重要既!!

係咁買,係咁試,係咁買,係咁試....
連bobxx broxx既眼線筆都係會溶 :(
臨到絕望既一刻...
始終...
俾我揾到喇!!! :D

就係來自台灣既Solone眼線膠筆
30幾蚊既價錢竟然hold到成日
完全冇溶!!!

見得番咁短就知我真係成日用~:P


之後見Solone出左新野叫30秒定妝慕絲眼線眼彩筆
上面個支眼線膠筆令我對Solone既出品好有信心
所以我都買左支番黎試下~ 

結果當然冇令我失望啦~ :D
一樣都係hold足成日唔溶 ~~
由於我係係Y拍到買既
所以收到先知原來呢支係有閃粉既
不過唔太覺眼就冇所謂啦~~~~ ;P

左: 30秒定妝慕絲眼線眼彩筆
右: 防水眼線膠筆
2支都100分~~ :) 

唔知大家又用過咩好用既眼線筆呢? :)